Martnıñ 11-nde Rusiye ordusınıñ Hersonnı ateşke tutması neticesinde üç insan elâk oldı. Bunı Herson vilâyeti memuriyetniñ yolbaşçısı Oleksandr Prokudin haber etti.
Darbeniñ aqibetlerini aks etken foto ve videonı Ukrayina Prezidenti ofisiniñ yolbaşçısı Andriy Yermak yayınladı.
Yerli sakinler Nikolayev şossesinde yerleşken supermarketniñ yaqınlarında ateşke tutuldı. Maşna mermile ile urulğan soñ yanıp başladı.
Azatlıq.Radiosınıñ mühbiri darbe urğan yerden video çekti.
Herson vilâyeti memuriyetiniñ haber etkeni kibi, keçken künü Rusiye ordusı vilâyetiniñ Ukrayina nezareti astında olğan meskün yerlerini 71 bir kere ateşke tutqan ve 335 mermi ile urğan.
Rusiye ordusı noyabr ayında Hersondan ketken soñ şeerge ve Ukrayina akimiyeti kontrol etken vilâyet rayonlarına muntazam sürette ateş açıla.
Herson vilâyetiniñ şura deputatı Serğiy Hlan Azatlıq Radiosına bildirgenine köre, Hersonda işğal bitken soñ 80 biñ kişi yaşay edi – şimdi aman-aman 10 biñ insan şeerden ketti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
