Rusiyeniñ Herson vilâyetine açqan ateşi neticesinde üç insan yaralandı, dep bildire yerli akimiyet.
Herson vilâyeti arbiy memuriyetiniñ yolbaşçısı Oleksandr Prokudin Telegram kanalında Rusiye Tâğınkağa ateş açtı, dep bildirdi. Onıñ malümatına köre, eki insan yaralandı – 42 yaşında qadın ve 38 yaşında er adam, olar soqaqta kete ediler. Parça yaraları bar.
Herson vilâyetiniñ arbiy memuriyeti bildirgenine köre, saat 11:30-larda Rusiye ordusı Bilozirkadaki evge de ateş açtı – 44 yaşında er adam yaralandı. Darbe vaqtında o, ev azbarında edi. Erkekniñ patlayıcı yarası ve ayaq yarası bar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
