Ukrayina TİN yolbaşçısı Dmıtro Kuleba, Rusiyeniñ Hazar deñizinden Ukrayinağa qarşı darbeler endirmek içün faydalanması Hazar deñizi statusı aqqında Şartnameni bozğanın bildire.
"Rusiyeniñ Hazar deñizinden Ukrayinağa qarşı raketa darbelerini endirmek içün faydalanması onı sulh mıntaqası kibi belgilegen Hazar deñizi statusı aqqında 2018 senesi Şartnamesini boza. Hazar deñizden tecavuz eylemleri içün faydalanuv bölgeniñ diger memleketlerine sayğısızlıqtır ve bölgedeki tekelüsizlikni boza", - dep yazdı Ku leba Twitwrde.
Ukrayina TİN qayd etkenleri kibi, Şartnameniñ 2-nci ve 3-nci maddeleri "Hazar deñiziniñ sulh maqsatlarnen qullanmasını, onıñ sulh, qomşulıq ve işbirlik mıntaqasına çevirilmesini, Hazar deñizi ile bağlı meselelerniñ sulh yolu al etilmesini" közde tuta.
Ukrayina Hazar deñizi bölgesiniñ memleketlerini Rusiyeniñ halqara uquqiy mecburiyetlerine, hususan bu şartnamege riayet etmesine mecbur etmek içün kerekli çaraler körmege çağıra.
Hazar deñiziniñ statusı aqqında Şartnameni Azerbaycan, İran, Qazahistan, Rusiye ve Turkmenistan imzaladılar.
Rusiye Ukrayinağa raketa darbelerini endirmek içün muntazam Hazar deñizini qullana.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
