Şimdilik, yanvarniñ 23-nde saba Harkivniñ Rusiye tarafından ateşke tutulması neticesinde 35 yaralanğan kişi aqqında belli, dep bildirdi vilâyetniñ arbiy memuriyetiniñ yolbaşçısı Oleg Sineğubov.
Yaralanğanlarnıñ sayısı 35 insanğa arttı. Olarnıñ arasında 10 ve 12 yaşında eki bala bar, dep aytıla haberde.
Olardan beşi ağır alda buluna, dep añlattı Sineğubov.
56 ve 40 yaşında eki qadınnıñ ölümi aqqında şimdilik belli.
VAM yolbaşçısı qayd etti ki, zarar tek grajdan infrastrukturağa keldi: mesken evler ve maşinalar.
Daa evel belli olğanına köre, Harkivniñ Kıyiv rayonında Rusiye orduları çoq qatlı evge ücüm etti: kirişleri viran etildi, viraneler altında insanlar buluna.
Rusiye ordusı yanvarniñ 23-nde saba Ukrayinağa yapılğan kütleviy raketa ücüminde Harkivni ateşke tuttı. İç işler nazirligi Harkivde üç ve Kıyivde bir kişi elâk olğanını bildire, amma paytaht akimiyeti bunı tasdıqlamay. Pavlogradta da bir insan elâk oldı. Bundan ğayrı, tahminen 40 zarar körgen kişi aqqında belli.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
