Rusiye ordusı iyunniñ 1-ne keçer gecesi Ukrayınanıñ farqlı regionlarında raketa ve kamikadze dronlarınen kritik infrastruktura obyektlerine ücüm etti, dep haber ete Ukrayına Silâlı quvetleriniñ Ava küçleri cumaertesi künü saba.
Umumen Rusiye ordusı 53 çeşit raketa ve 47 darbe uçucısızını qullandı.
- Tu-95 TS strategik aviatsiya uçaqlarından 35 X101/X-555 qanatlı raketası (Saratov vilâyeti, Hazar deñişçinden uçurıldı – RF)
- 4 «İskander-M» ballistik raketası (Qırımdan)
- 1 «İskander-K» qanatlı raketası (Qırımdan)
- 10 «Kalibr» qanatlı (Qara deñizniñ şimaliy-şarqiy qısmından)
- 3 dane X-59/X-69 aviatsiya raketası (işğal etilgen Zaporijjâ vilâyetinden)
- 47 dane Shahed-131/136 uçucısızı (Primorsk-Ahtarsk rayonı – RF)
Ücümni keri qaytarmaq içün qırıcı, Ava quvetleriniñ zenit raketa bölükleri, Ukrayına mudafaa quvetleriniñ mobil ateş gruppaları ve radioelektron küreş vastaları qullanıldı.
Arbiyler 81 ava nişanı yoq etildi, dep bildire, olardan:
- 30 X-101/X-555 qanatlı raketası
- 4 «Kalibr» qanatlı raketası
- 1 «İskander-K» qanatlı raketası
- 46 Shahed-131/136 darbe uçucısızı
«Rusiye terroristleri devletniñ yaqıt-energetika sektorını yoq etmek niyetlerinden vazgeçmey. Ukrayına Ava Quvetleri ve Mudafaa quvetleri duşman cebeniñ bu qısmında maqsadına irişmesin dep elinden kelgenini yapalar», – dep bildirdi Ava quvetleriniñ komandanı Mıkola Oleşçuk.
Rusiye arbiyleri çeşit silâlardan Ukrayina regionlarına muntazam surette ücüm ete. Delillerge ve şaatlıqlarğa baqmadan, Moskva, tam bir istilâ başlağanından berli, vatandaşlarğa qarşı yapılğan ücümni red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
