Çerniğiv civarındaki mesken qurulışqa üç kere endirilgen raketa darbesinde eñ azından bir insan elâk oldı, bir qaç ev zarar kördi, dep bildirdi Çerniğiv OVA yolbaşçısı Vâçeslav Çaus.
"Bir ölü aqqında endi belli. Yaralanğanlar bar. Qıdıruv-qurtaruv işleri devam ete", — dep yazdı memur telegramda.
Rusiye arbiyleri Ukrayina regionlarına çeşit silâ çeşitleri ile ücüm ete.
Rusiye yolbaşçılığı, Rusiye ordusınıñ, büyük cenk vaqtında, Ukrayina şeerleri ve köyleriniñ grajdan infrastrukturalarına maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
