Ukrayina prezidenti Volodımır Zelenskıy ve birinci hanım Olena Zelenska Kıyivdeki Barışıq meydanında Qırımtatar halqı genotsidi qurbanlarınıñ hatıra Abidesine qandiller qoydılar. Bunı devlet yolbaşçısınıñ matbuat hızmeti bildire.
"Genotsid eylenmi olaraq tanılğan Qırımtatar halqınıñ sürgünligi. 1944 senesi tarihta halqnı yoq etmek ıntıluvı olaraq ebediyen qalacaq, balalar ve büyüklerni tuvğan evlerinden çıqarıp, yabancı topraqlarğa yolladılar", — dep qayd etti Volodımır Zelenskıy.
Ukrayina prezidenti qayd etti ki, bu cinayetni unutmaq ve bağışlamaq mümkün degil, hususan Rusiye Ukrayinağa qarşı yañı cenkni Qırımdan başlağan soñ.
"Biz adamlarımıznı, Qırımda muqavemet köstergenlerni, rusiyeliler tarafından zapt etilgen ve tutulğanlarnı unutmaymız. Rusiyeniñ bütün Qırımlı mabüsleri azat etilmeli. Biz er bir adnı, er bir taqdirni teşkerecekmiz. Bir kimseni duşmanğa qaldırmaycaqmız", — dedi devlet yolbaşçısı.
Qırımtatar halqınıñ lideri Mustafa Cemilev qayd etti ki, Ukrayinanıñ tamır halqı içün sürgünlik ve genotsid tarihiy hatıra ve kimlikniñ bir qısmı oldı.
"Bu hatıra Qırımtatarlarnıñ bir nesilini kommunist rejimine qarşı küreşmege, öz vatanına qaytmağa, öz aqlarını tiklemege ruhlandırdı.. İşte bu hatıra 2014 senesi Kiçikte Meclisniñ yolbaşçılığı ile bütün Qırımtatar halqını totalitar sovet rejiminiñ aq-uquq mirasçıları tarafından Qırım işğaline qarşı çıqmağa ve soñra işğalci akimiyetniñ repressiv maşinasınıñ esas darbesini öz boynuna almağa mecbur etti", — dedi o.
Merasimniñ soñunda Qırım Diniy idaresiniñ müftisi Ayder Rustemov genotsid qurbanları hatırasına dua oqudı.