Rusiyeniñ Brânsk vilâyetindki Klintsı şeeri rayonında vertolöt tüşti, dep bildire Rusiye mediası mayısnıñ 13-nde. Foto ve video Rusiye Telegram kanallarında tarqaldı.
TASS Rusiye devlet agentligi haber etkenine köre, ilk malümatqa köre, vertolö köçüriciniñ yanması neticesinde tüşti. Onıñ parçaları endi tapıldı.
«RİA Novosti» agentligi bildirgenine köre, Brânsk vilâyetindeki bazı evler parçalardan zarar kördi.
Pilotlar elâk oldı. Vertolötniñ kimge ait olğanı daa belli degil.
Soñra Rusiye mediası bu vilâyette Su-34 qırıcısı tüşti, dep haber etti.
Bir kün evelsi Rusiye vertolöti işğal etilgen Qırımnıñ Canköy rayonında tüşti, dep haber etildi.
Rusiyeniñ Ukrayınağa qarşı tam silâlı istilâsı başlağan soñ Rusiyeniñ sıñırdaki regionları – Belgorod, Brânsk ve Kursk vilâyetiniñ akimiyet vekilleri bu topraqlarğa toplardan ateş açıla ve ücüm etile, dep haber etile. Rusiye akimiyeti Ukrayına Silâlı quvetlerini qabaatlay. Ukrayına tarafı ateşlerni izaatlamay.
Aynı vaqıtta, Rusiye ordusı Ukrayınanıñ sıñırdaki mesken yerlerini, hususan Sumı ve Çerniğiv vilâyetlerine faal sürette ateş aça. Bundan ğayrı, Harkiv şeeri Rusiyeniñ muntazam ücümlerine oğray. Akimiyet bildirgenine köre, Rusiye Belgorod vilâyetinden ücüm ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
