Rusiyenin bir qaç bölgesinde müessiselerge patlav qorquzuvları devam etmekte dep yanvar 31-inde Terrorcılıqqa qarşı komitetiniñ malümatına esaslanıp, TASS haber agentligi bildirdi.
Böyleliknen, küç organlarınıñ hadimleri, Krasnoyarsk şeerinde 10-dan ziyade içtimaiy müessiseni tahliye etti. Omsk şeeriniñ bir sıra şirketi de mina qoyulğanı aqqında beyanat alıp, tahliye etildi. Saba Volgograddaki bir mektepke de elektron poçtasına qorquzuvlar keldi, polis ve FVN-niñ hadimleri teşkerüv keçirdi.
Bildirile ki, qorquzuvlar mektep ve hastahanelerge çoqusı alda elektron poçtası vastasınen kele.
Bir kün evel, minalav bildirüvinden soñ, Rusiyeniñ bir qaç bölgesinde mektep, bala bağçası, hastahane, ticaret merkezleri tahliye etildi. Hususan, böyle mektüpler Râzan, Velikiy Novgorod, Tambov, Vladimir, Lipetsk, Murmansk, Arhangelsk, Astrahan, Pskov ve başqa şeerlerinde yollanıla.
Bundan ğayrı, tahliye ilhaq etolgen Qırımda da yapılğan edi. Aqmescit ve Aqyarda bir qaç mektep ve hastahanelerniñ minalanması aqqında sahte bildirmeler keldi.
