Rusiyeniñ teklif etkeni bir taraflama ateşni toqtatuv ciddiy qabul etilmemelidir, dep saya Ukrayina TİN yolbaşçısı Dmıtro Kuleba.
"Prezident Zelenskıy on adımdan ibaret olğan barışıq formulasını teklif etti. Rusiyeliler Milât bayramı arfesinde Hersonnı ateşke tutıp, kütleviy raketa darbelerini endirip onı körmemezlikke uralar. Olarnıñ teklif etkeni bir taraflama ateşni toqtatuv ciddiy qabul etilmemelidir", - dedi o.
Ukrayina devlet başı Volodımır Zelenskıy Rusiye prezidenti Vladimir Putin cenkniñ devamına daa yahşı azırlanmaq içün "Milât bayramı mutakeresi"ni qullanmaqnı planlaştırğanını saya.
ABD prezidenti de Putinniñ teklif etkeni "Milât bayramı mutakeresi"ne buña oşağan qıymet kesti.
Yanvarniñ 5-nde Rusiye prezidenti Vladimir Putin RF Mudafaa naziri Sergey Şoyguğa pravoslav Milât bayramında yanvarniñ 6-sı saat 12:00-den yanvarniñ 7-si saat 24:00-nece ateşni toqtatuv rejimini tayin etmege buyurdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
