Aqyarnıñ Rusiye akimiyeti ukrayin nomeraları olğan maşnalarnı "yahşı etip" baqıp çıqmağa başladı. Bunı TASS agentligine şeerniñ işğal yolbaşçısı Mihail Razvojayev bildirdi.
"Elbette yük maşnalarını daa ziyade yahşı etip teşkermege başladıq, bundan ğayrı nomeraları şübeli kibi körüngen, hususan Qırım Rusiyege qoşulğan soñ (işğal – QA) qalğan ukrayin nomeralarınen maşnalar yahşı etip baqıla. Uzun zamandır olarğa yımşaq yanaştıq", - dedi o.
Evel Rusiye devlet haber vastaları Qırım ve Aqyarnıñ bazı rayonlarında maşnalarda patlayıcı maddeler qıdırılacaq dep bildirgen ediler.
Qırımda yüksek seviyede terror telükesi 2022 senesi aprel 11 künü tayin etilgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
