Rusiyeni yerine qoymaq dünya içün eñ büyük meseledir, dep bildirdi Ukrayina TİN yolbaşçısı Dmıtro Kuleba.
"Bugün G20 nazirleriniñ körüşüvinde çıqışta bulundım, dünyanı erzaq ve energetik buhran ile tehdit etken Rusiye tecavuzına qatiy global cevap bermege çağırdım. Rusiyeni yerine qoymaq dünya içün eñ büyük meseledir ve bugünki körüşüv bunı tasdıqladı", - dep ya zdı o Twiterde.
İyülniñ 7-8 Balide G20 memelketleriniñ tış işler nazirleriniñ körüşüvi olıp keçti. Körüşüvge Rusiye TİN yolbaşçısı Sergey Lavrov da keldi, amma haber etilgenine köre körüşüvni vaqıtnda evel terk etip, resmiy aqşamlıq yemegine de kelmegen.
Ukrayina G20 azası degil, amma noyabr ayına planlaştırılğan oturuşqa Ukrayina prezidenti Volodımır Zelenskıy de davet etildi.
Rusiye fevralniñ 24-nde Ukrayınağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayınadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayınanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
