Rusiye kontrolindeki Qırımnıñ Bağçasaray rayon mahkemesi yerli sakinni içtimaiy ağlarda «ekstremist alâmetli» tefsirler qaldırğanı içün eki yıl şartlı apis cezasına üküm etti.
Bu aqta TASS Rusiye devlet haber agentligi Qırım ve Aqyardaki Rusiye FSB idaresi matbuat hızmetiniñ malümatına esaslanıp bildire.
«Qırım Cumhuriyeti ve Aqyar şeerindeki Rusiye FSB idaresi ekstremist faaliyetine çağırğanında qabaatlı tanılğan vatandaşnıñ qanunsız faaliyetini toqtattı. Bağçasaray rayonı Albat (Kuybışevo) köyüniñ 55 yaşında sakininiñ içtimaiy ağlardan birinde Rusiye devlet akimiyetiniñ organları ve Qırım yarımadasınıñ rus tilli eali temsilcilerine qarşı ekstremist alâmetli yazı ve tefsiler paylaşqanı qayd etilip isbatlandı», – dep aytıla haberde.
FSB, mahküm etilgen adamnıñ ad ve soyadını aydınlatmay, onıñ açıq tefsirleri yoq.
Daa evel berilgen malümatqa köre, Aqyarda Rusiye kontrolindeki Aqyarnıñ Nahimov rayon mahkemesi yerli sakinni, qabaatlav fikirince, içtimaiy ağda «millet mensüpligi esaslı duşmanlıq doğurğan» tefsirni qaldırğanında qabaatlap, 10 biñ ruble para cezasına üküm etti.
