Kremlde Ukrayina akimiyetiniñ Rusiyeni yalıñız "barışqa mecbur etmek" mümkün degen fikri yañlış olğanını qayd ettiler. Bu aqta sentâbrniñ 25-nde brifingte Rusiye prezidenti Vladimir Putinniñ spikeri Dmitriy Peskov, Vladimir Zelenskıynıñ BMT çıqışını izaatlap, ayttı.
"Rusiyeni barışıqqa mecbur etmek ıntıluvına esaslanğan mevam, kerçekten de, bir hatadır. Çünki Rusiyeni barışıqqa zorlamaq imkânsızdır. Rusiye barışıq tarafdarıdır, amma telükesizlik esaslarını temin etüv ve mahsus arbiy operatsiya ögünde turğan vazifelerni yerine ketirüv şartınen", — dep israr ete Peskov.
Sentâbrniñ 24-nde Ukrayina prezidenti BMT Telükesizlik Şurasınıñ toplaşuvında Rusiye-Ukrayina cenki bitmeli ya da toqtatılmamalı ve Rusiyeni yalıñız cenkte tek istilâcı ve BMT nizamnamesini bozğan olaraq barışıqqa mecbur etmek mümkün dep bildirdi .
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
