Oktâbrniñ 6-nda Rusiyeniñ Zaporijjânı ateşke tutması neticesinde eki qadın elâk oldı, da beş kişi dağıntılar astındadır, dep haber etti Zaporijjâ vilâyetiniñ arbiy memuriyetiniñ reisi Oleksandr Staruh.
"Bir qadın qaza yerinde elâk oldı. Daa birisi acele yardım maşnasında öldi. Evlerniñ dağıntıları astında eñ az beş kişi bulunmaqta", - dedi Staruh.
Aynı zamanda, onıñ bildirgenine köre, bir çoq adamnı qurtarıp olğanlar.
"Olarnıñ arasında üç yaşındaki bala, onı hastahanege alıp kettiler. Qaza yerinde qurtaruv çalışmaları yapıla", - dep qayd etti o.
Yerli başlıqlarnıñ malümatına köre, Zaporijjâğa saba saat 5-te ücüm etilgen
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
