Rusiyeniñ Vladivostok şeerinde çoq daireli evde gece yanğın çıqtı, dep bildire yanvarniñ 1-nde Radio Svoboda rus bürosınıñ «Sibir.Realii» leyhası.
Ev sakini – Navalnıy ştabınıñ koordinatorı Vladimir Dubovskiyniñ aytqanına köre, ateş beş daireni sarıp aldı.
«Episini söndürdik, bir daire qaldı. Azbardaki seslerden añlaşılğanına köre, qoranta yandı», – dep bildire sakin.
Yanğın söndüricileri dördünci qatta damna urğan qadınnı pencereden tahliye etmege tırışa. Evde elektrikler kesildi. Ev sakinleri tahliye etilmedi, amma politsiya istegenlerni ozğara.
«Evden çıqqanlarnı Keri qaytarmaylar», – dep bildirdi Dubovskiy.
Fevqulâde vaziyetler hızmetiniñ regional idaresi «Sibir.Realii» mühbirine adiseni izaatlamadı ve matbuat hızmetine iş vaqtında muracaat etmege tevsiye etti.
