Rusiye Qara deñiz flotunıñ 1171 leyhasınıñ "Orsk" Rusiye desant gemisinde Süriyege nevbetteki reyd yapqanda eki dizelden birisi bozuldı.
Rusiye devlet haber agentliklerine atıf etken Azatlıq Radiosı bildirgeni kibi, geminiñ köçüriciniñ tamiri yapılmalı. Arbiy Deñiz Flotu komandalığınıñ resmiy tefsirleri daa olmadı.
Rusiye Arbiy Deñiz Flotunıñ büyük desant gemileri Süriyege arbiy yükni taşıy edi. Olar büyük zırhlı tehnikanı, şu sıradan tanklarnı taşıy bile. Bıltır "Orsk" eñ azından üç kere Tartus Süriye limanına kire edi, anda Rusiye Arbiy Deñiz flotunıñ Aq deñizdeki bazası tura, dep bildire Avia.Pro saytı. Dekabrde gemi Süriyege naqliyat, silâ ve arbiy yedeklerni temin etti.
