Rusiyelilerniñ ekseriyeti 2022 senesiniñ başından Rusiyeniñ Ukrayınağa qarşı istilâsına qoltuta. Cevap bergenlerniñ yarısı kene de barışıq muzakereleriniñ tarafdarı ola. Bu aqta «Levada-tsentr» Rusiye talil merkezi keçirgen sorav malümatları köstere.
Onıñ neticelerine köre, 2024 senesi yanvar ayına qadar cevap bergenlerniñ ekseriyeti (77%) Ukrayınağa qarşı cenkke qoltuta, rey bergenlerniñ 16%-ı qoltuta, daa 8%-ı cevap bermege zorlana.
Rusiyelilerniñ yarısı barışıq muzakereleri ğayesine qoltuta, amma bu raqam bıltır noyabr ayına köre eksildi.
Rusiyelilerniñ üçte biriniñ fikirince, olar Ukrayınada barışıqsever insanlarnıñ ve yıqılğan binalarnıñ maneviy mesüliyetini taşıy (10% - şübhesiz ve 21% - belli bir seviyede), cevap bergenlerniñ 62%-ı farqlı fikirde.
Bundan ğayrı, cevap bergen rusiyelilerniñ 66%-ı memleketi cenkte iştirak etkeni içün pek çoq zarar köre, dep razı ola. Lâkin bu raqam da 2023 senesi iyül ayına köre eksildi. O vaqıt rey bergenlerniñ 82%-ı razı olğan edi.
Soravda iştirak etkenlerniñ ekseriyeti (77%) Ukrayınadaki arbiy areketler Rusiye zaferinen biter, dep tüşüne, bıltır bu raqam 6% çoq edi.
«Levada-tsentr» umumrusiye soravı 2023 senesi dekabrniñ 14-nden 20-ne qadar ve 2024 senesi yanvarniñ 25-nden 31-ne qadar 18 yaşını toldurğanlar arasında keçirildi. 3247 insan soravda iştirak etti. Tedqiqat şahsiy intervyü usulınen keçirildi. Yañlışlıq 3,4% ola.
2023 senesi iyün ayında soravda iştirak etken ukrayınalılarnıñ 84%-ı cenkni toqtatmaq içün topraq uzlaşuvlarına razı olmadı.
Keçken sene oktâbr ayınıñ başında Gallup derc etken sorav neticelerine köre, aman-aman bütün ukrayınalılar razı – Rusiye 2014 sesinden işğal etken topraqnıñ episini keri almaqtır.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
