Link açıqlığı

Saatnıñ esas haberi

Ğumenük Qırımdaki vaziyet aqqında: rusiyeliler yol haritalarını ve çıqış variantlarını baqa


Rusiye arbiyleri ve Kreml kontrolindeki akimiyet işğal etilgen Qırımdan çıqış variantlarını baqa. Bu aqta Ukrayına Cenüp mudafaa quvetleriniñ Birleşken koordinatsion matbuat merkeziniñ yolbaşçısı Natalâ Ğumenük bildirdi.

«Olar eşyalarını toplamağa, vaziyetniñ telâşlılığını añlamağa devam eteler ve areket haritasını, yol haritasını, çıqış variantlarını baqalar. Çünki Qırımdan çıqmağa çare tapmaq kerek», – dep qayd etti o, Ukrayına milliy telemarafonınıñ yayınında.

Ğumenükniñ aytqanına köre, yarımadadan ketken esas yol Keriç (Qırım) köprü ola. Lâkin, Mudafaa quvetleriniñ vekili qoşqanına köre, «köpür furtunadan qorqa».

«Bundan ğayrı, olar parom keçitini qullana ve qısmen vaqtınca işğal etilgen esas Ukrayınadan keçip olurlar, dep ümüt eteler. Amma er seferinde daa çoq telâşlanalar, ve başqa usullar qıdırmağa tırışalar. Olar çoq degil, çünki yalı boyu qazğan okoplar, «ajderha tişleri» tez qaçmasınlar dep qoyulğan sanki», – dep qoştı o.

Ukrayına istihbaratınıñ temsilcisi Andriy Yusov Rusiye Federatsiyasınıñ arbiyleri işğal altındaki Qırımda bazı sıñırlarğa çekilüvini «ola bilecek bir stsenariy» olaraq köre. Onıñ aytqanına köre, Rusiye ordusınıñ böyle planları aqqında yarımada şimalindeki mudafaa inşaatları bildire.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Mayısnıñ 10-nda Azatlıq Radiosınıñ leyhası olğan Qırım.Aqiqat jurnalistleri 2014 senesi Rusiye tarafından işğal etilgen Qırım yarımadasınıñ Rusiye Federatsiyasınıñ 223 çalışqan, muvaffaq ve qapalı arbiy obyektleriniñ haritasını derc etti.

Obyektler arasında – infrastrukturalı arbiy uçaq alanları, gemi ve katerlerniñ yerleri, silâ anbarları, arbiy şeerçikler, arbiy bölükler, idare noqta ve ştabları, arbiy tehnika parkları ve ava mudafaa nevbetçilik yerleri, poligon ve oquv merkezleri, bazı arbiy-sanayı kompleksiniñ müessiseleri.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG