Rusiyeliler "söz serbestligini yoq etmek usullarını sınap baqmaq ve soñradan diger işğal etilgen topraqlarda elde etilgen tecribesinden faydalanmaq içün" Qırımnı bir meydançıq olaraq qullandı. Bunı Qırım uquq qoruyıcı gruppasınıñ başı Olga Skrıpnik "Rusiye mahküm etken Vladislav Yesipenko ve diger qırımlı jurnalistler nasıl qurtarılacaq" matbuat konferentsiyası vaqtında bildirdi.
"Ne yazıq ki, amma Qırım tecavucı memleketniñ bu deşetli usullarnı sınap baqqan bir "ameliyahanege", meydançıqqan çevirildi. Soñradan da olarnı diger işğal etilgen topraqlar da qullanacaq. Şu cümleden Zoporijjâ, Herson vilâyeteleri. Anda jurnalistler tutıp esir etile ve öldürile", - dep qayd etti o.
Onıñ sözlerine köre, ğayıp olğan jurnalistlerniñ bir qısmını 2022 senesi fevralniñ 24-nden soñ işğal etilgen Qırımğa alıp ketkenler. Olarnıñ taqdiri aqqında ise alâ daa bir şey belli degil.
Oktâbrniñ 5-nde Kıyivde «Rusiye mahküm etken Vladislav Yesipenko ve diger qırımlı jurnalistler nasıl qurtarılacaq» matbuat konferentsiyası olıp keçti. Onıñ iştirakçileri şimdiki vaziyet aqqında tarif etti, anda media temsilcileri bar – Qırım.Aqiqatnıñ serbest hadimi Vladislav Yesipenko da olğan Kreml reineleri, siyasiy mabüslerniñ taqip etilüvinen bağlı Rusiye vekilleri aqqında tarif etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz
