İşğal etilgen Qırımda rusiyeliler qanunsız sürette 168 qırımlı siyasiy mabüsni tuta eken. Bunı "Espresso" televizion kanalına intervyü berir eken Qırımtatar resurs merkeziniñ reberi Eskender Bariyev bildirdi.
"Al-azırda 168 adam azatlıqtan marum etilgen, yani olar esirde ve SİZO-dalar - bular qırımlı siyasiy mabüsler. Olardan 119 tamır qırımtatar halqınıñ temsilcileridir", - dep qayd etti o.
Eskender Bariyevniñ bildirgenine köre, Ukrayina cenübinde rusiyeliler 290-dan ziyade adamnı tutıp esir etkenler. 60 ukrayin azat etilgen, qalğanları işğal etilgen qırım SİZO-larında tutula eken.
Daa evel Qırımtatar resurs merkezinde bu yılnıñ ilk üç ayında Rusiye tarafından işğal etilgen Qırımda quvetçiler 49 kere qırımtatarlarnı yaqaladılar, dep haber etken ediler.
Qırımtatar resurs merkeziniñ malümatına köre, Qırımnıñ işğali devrinde ğayıp olğan 21 aqqında alâ daa bir şey belli degil, olardan 15-i qırımtatardır.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
