Link açıqlığı

Saatnıñ esas haberi

Rusiyeliler mekteplerde arbiylerine yardım etmege ve mektüp yazmağa zorlap, «Qırımda balalarnıñ aqıllarını deñiştirmege» tırışa – Çubarov


Refat Çubarov
Refat Çubarov

Rusiyeliler Rusiye askerlerine gumanitar yardım toplamağa, kamuflâj ağlar toqumağa, cebedeki Rusiye askerlerine mektüpler yazmağa mecbur etip, «Qırımdaki balalarnıñ fikirlerini deñiştirmege» tırışa. Bu aqta Qırımtatar Milliy Meclisiniñ reisi Refat Çubarov FREEDOM telekanalınıñ yayınında bildirdi.

Onıñ aytqanına köre, Qırım işğalden azat etilgen soñ ösmürlernen iş «yarımada reintegratsiyasınıñ eñ zor basamagı» olacaq.

«Rusiyeliler balalarnıñ añını yañıdan şekillendirmege tırışa, bizim balalarımıznıñ başına kirip, olarnı arbiylerge mektüpler yazmağa mecbur eteler. Er bir mektepte ocalarnıñ nezareti altında mektüp yazuv aktsiyaları muntazam sürette keçirile, soñra bu mektüpler balalar ve olarnıñ ana-babaları arasında muzakere etile. Olar taqdirlevge lâyıq olğanlarnı belgileyler, ve, aksine, balalarğa mektüplerinde vatanperverlikniñ olmağanını köstereler ve olarnı yañıdan yazmağa mecbur eteler», – dep qayd etti Çubarov.

Qırım mekteplerinde «Cesürlik dersleri» keçireler, anda Ukrayinağa qarşı cenk iştirakçilerini şanlandıra ve balalarnı rus askerlerine mektüpler yazmağa çağıralar.

«Askerge mektüp» Ukrayinağa qarşı silâlı istilânı qanuniyleştirmek içün, Rusiye silâlı küçleriniñ «arbiy namusı» aqqında tarihiy efsaneler aqqında «efsaneler yapmaq» içün sebep olaraq hızmet etmesiniñ, Rusiye-Ukrayina «azatlıq» «efsaneleri» içün eñ kiçik balalar bile qullanılğanınıñ canlı misalidir», – dep bildire «Almenda» ukrayin vatandaşlıq terbiyesi merkezinde.

2014 senesi Rusiyeniñ Qırım işğali başlağanından berli qırımlı balalar «Rusiye agressiv arbiy teşviqatınıñ tesiri altında», bütün mektep tasil sisteması bu ya da başqa şekilde Rusiye ordusında hızmet etmekni teşviq etti. Böylece balalar öz kimligini serbest saylamaq imkânından marum etile , deyler ukrayin aq qorçalayıcıları. Bu areketlerniñ bazıları, olarnıñ fikrince, cenk cinayetiniñ tarifine kire ve balanıñ aqlarını boza. Rusiye akimiyeti Ukrayinadaki cenk cinayetlerinen alâqaları olğanını red ete.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG