Rusiyeliler Suriyeniñ SOURIA quru yük gemisiniñ yardımınen işğal etilgen Ukrayina topraqlarından zahire alıp çıqaralar. Bunı Ukrayina Silâlı Quvetleriniñ Baş ştabı haber ete.
"Kefe şeerinde, vaqtınca işğal etilgen Qırımda, rus işğalcileri Suriyeniñ SOURIA quru yük gemisine yüklep öz limanlarına çıqarmağa tırışalar", - dediler Baş ştabda.
Suriye bayrağı altında SOURIA gemisi 2022 senesi aprelniñ 1-nde Kefe ticariy deñiz limanınıñ zahire terminalınıñ yaqınlarında köründi. Daa soñra Qırımdan ketti ve Türkiyeniñ Marmara deñizindeki Bandırma limanınıñ tış yollarında bulundı.
Qırım.Aqiqat mühbirleri qıta Ukrayinadan işğal etilgen Qırım topraqlarına zahire çıqarılmasını defelarca qayd etken edi.
Rusiye akimiyeti işğal etilgen yarımadağa Ukrayina zahiresini çıqarğanlarını açıq şekilde tasdıqlağan ediler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
