Rusiyeliler tahliyege mania olıp, suv tübünde qalğan Herson vilâyetiniñ işğal etilgen Oleşki şeerinden adamlarnıñ çıqmasına izin bergenler. Bunı "QırımSOS" uquq qoruyıcı teşkilâtı haber ete.
"Kahovka suv elektrik stantsiyası bentiniñ patlatıluvından ve artından Hersonnıñ bir qısmınıñ su altında qalmasından soñ rusiyeliler bölgeniñ sol sailindeki işğal etilgen Oleşkiden insanlarnıñ çıqmasına yol bermedi. Mevcut malümatqa köre, işğalciler suv basqan yerlerden ketmege tırışqan insanlarnıñ qayıqlarına ateş açqan. Çoqusı işğalcilerden yardım körmeyip evlerniñ damlarında ve soñki qatlarında otura", - dep bildirdiler teşkilâtta.
Uquq qoruyıcılar Rusiyeniñ bu kibi areketleri Jeneva şartnamesini bozğanını bildireler.
Herson vilâyetiniñ abriy memuriyetiniñ reberiniñ bildirgenine köre, vilâyette 1700 adam artıq tahliye etilgen.
İyünniñ 6-nda saba Rusiye Herson vilâyetinde Kahovka suv elektrik stantsiyasını patlattı, dep bildirdi Ukrayina arbiyleri.
Ukrayına prezidenti ofisiniñ yolbaşçısı Andriy Yermak Kahovka Kahovka suv elektrik stantsiyası bentiniñ bozuluvı Qırımnı içilgen suvsız qaldıra bile, dep bildirdi. Mesleatçısı Mıhaylo Podolâk patlatuvnı Rusiye Silâlı quvetleriniñ 205-inci motor atıcı brigadası yaptı, dep tahmin etti.
Ukrayina milliy telükesizlik ve mudafaa şurasınıñ kâtibi Oleksiy Danılov Kahovka Kahovka suv elektrik stantsiyasınıñ patlatıluvı «Rusiye istilâsınıñ yañı basamağı» ola, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
