Link açıqlığı

Saatnıñ esas haberi
Qırımnıñ «İçtimaiy siyaset nazirligi»nde yarımadada «keçici müddet» devamında iş ödeviniñ aşğariy miqdarını belgilemege teklif ettiler, bücet saasında – 4628 ruble, bücet olmağan saada – 4141 ruble.

Bunı Qırımnıñ «İçtimaiy siyaset naziri» Yelena Romanovskaya bildirdi, dep haber ete Novosti Krıma.

«Çаrşenbe künü, iyün 4-de, Nazirler Şurasınıñ reisi adından Qırım Devlet Şurasınıñ baquvına yarımadada «keçici müddet» devamında iş ödevi aşğariy miqdarınıñ belgilevi boyunca, bücet saasında – 4628 ruble, bücet olmağan saada – 4141 ruble, leyhanı çıqarmağa teklif etemiz», – dedi o.

Öz başına tayin etilgen Qırım «baş naziri» Sergey Aksönov «nazirlik»ke salı künü, iyün 3-ne qadar, işbu raqamlarnı zenaat birlikleri ile muzakere etmege teklif etti.

«Eger de zenaat birlikleri qarşı çıqmasa, men de razı olurım», – dedi o.

Qayd etemiz, aprel 1-den «Rusiyeli» Qırımda aylıqnıñ aşğariy miqdarı 5554 ruble edi.
XS
SM
MD
LG