Rusiye Federatsiyasınıñ Volgograd vilâyetindeki Yelan qasabasında avcılıq silâsından atışlarnen uçaqnı urup tüşürmege tırışqan yerli sakinge 40 biñ ruble para cezası berilgen, pensionerniñ silâsı da tutıp alınğan. Memuriy maddege istinaden mahküm etilgen kişi, "Vatanını tahmin etilgen telükeden qorçalamaq" maqsadınen, davanıñ toqtatılmasını talap etken.
Resmiy versiyağa köre, bu yazda Mühin soyadına pensioner (onıñ tolu adı mahkeme vesiqalarında açıqlanmay) bir gece azbarına çıqıp, dronğa av tüfeginen atmağa başlağan. Onı urdımı, belli degil. Lâkin bundan soñ deral mahküm etilgen adam tez yardım hızmetini çağırıp, poliske atışma aqqında aytıp, dronnıñ yıqılğanı tahmin etilgenini kösterdi.
Pensionerniñ özüniñ aytqanına köre, o, soñ derece zarurlıqtan areket etti, atışma ise iç bir zarar ketirmedi. Mühinniñ apellâtsiyasını baqqan Yelan rayon mahkemesi onıñ delillerini közge almadı ve "soñ derece zarurlıqnı" isbatlanmağan dep saydı.