Rusiye nezaretindeki Aqmescit şeer şurası martnıñ 5-inde oturışta şeer memuriyetiniñ yañı baş müavini vazifesine Vladimir Osipenkonı tasdıqladı, haber ete "Krıminform" saytı.
Osipenko evelleri işten çıqarılğan Alexander Makarniñ nezaretinde olğan içki ve informatsiya siyaseti saalarında şeer reberliginiñ selâhetlerini ayatqa keçirecek.
2019 senesi noyabr 19-ında mebuslar şeer memuriyetiniñ altıncı baş müavini olaraq "Krım 24" telekanalınıñ alıpbarıcısı Aleksandr Makarniñ tayinlenmesi içün rey berdi. Amma 2020 senesi fevralniñ soñunda onı öz isteginen işten çıqardılar.
2019 senesi dekabrde Aqmescit şeer şurası Emil Mamediyevni şeer şurasınıñ baş müavini olaraq tayinledi.
