Rusiye Federatsiyasınıñ Ekinci Ğarbiy okrugınıñ arbiy mahkemesi Belgorod sakinini, 600 biñ ruble miqdarında bağış yapqanından sebep, 16 yıl sert rejimli koloniyada qalmasına üküm etti, olardan dört yılnı apiste keçirecek, dep yaza "Nastıyaşçeye Vremâ" "Pepel. Belgorod" telegram kanalına atıf etip.
Rusiye tahqiqatınıñ versiyasına köre, 44 yaşındaki Belgorodlı 2023 senesiniñ qara qış ayından 2024 senesiniñ orta küz ayınace Ukrayina silâlı quvetleriniñ ihtiyaclarına para yollağan. O, paranı doğrudan-doğru Ukrayina bölüklerinemi ya da Ukrayina Silâlı quvetleri içün yardım satın alğan teşkilâtlarğamı yollağanı belli degil.
FSB hadimleri aqaynı 2024 senesi orta küz ayında tuttı, bundan soñ oña qarşı devletke qarşılıq ve terrorizmni maliye etüv maddeleri boyunca cinaiy iş açıldı.