Link açıqlığı

İşğal etilgen Qırımda «Artek» Halqara bala merkeziniñ yañı baş müdiri yerine Aleksey Anatolyeviç Kasprjak tayin olundı.

Bu aqta Qırımnıñ öz başına tayinlengen baş naziri Sregey Aksönovnıñ ve Rusiye Federatsiyası Ükümetiniñ baş nazir muavini Оlga Golodetsniñ iş kollektivi ile körüşüvde belli oldı, dep bildire Qırım «ükümeti»niñ matbuat hızmeti.

Aksönovnıñ sözlerine köre, keçici müddet devamında «Artek»niñ yolbaşçılığında turğan İgor Leli komandada qala ve bala merkezinde işine devam etecektir.

Golodets şunı qayd etti ki, Rusiye ükümetiniñ esas vazifesi – «lagerni dünya tasil ve sağlamlaştıruv standartlarına ketirmek» ve bala merkezini kelecek sene qayd etilecek 90 yıllığına azırlamaqtan ibaret.

Öz nevbetinle Aleksey Kasprjak «Artekni» «memlekette eñ eyi lager» seviyesine inkişaf ettirmege vade etti.

Malüm olğanı kibi, Aleksey Kasprjakta oca tasili bar, iqtisadiy ilimler namzeti ola. Rusiye Federatsiyasınıñ Tasil nazirliginde çalışa edi. 2001-2012 seneleri Rusiye Milliy taqiqat universiteiniñ prorektorı olıp çalıştı. 2011 senesinden Rusiye idareciler Birleşmesiniñ prezident muavini ola.
XS
SM
MD
LG