Rusiyeniñ Murmansk vilâyetinde Moskvadaki «Şeremetyevo» ava limanında «Aeroflot» ava şirketiniñ «Suhoy Superjet-100» (SSJ-100) uçağınıñ qazası sebebinden üç künlik matem ilân etildi. Bu aqta Azatlıq Radiosı bildire.
«Bugünden başlap Murmansk vilâyetinde üç künlik matem ilân etile», – dep bildirdi vilâyet valisiniñ vazifelerini eda etken Andrey Çibis.
«Aeroflot» şirketiniñ malümatına köre, 90 saniye berilse de, yolcular 55 saniye içinde tahliye etildi. Komandir uçaqnı er kesten soñ terk etti. Ava şirketiniñ vekili aytqanına köre, uçucınıñ SSJ-100 uçaqlarında 1400 saatlıq tecribesi ve umumen 6800 saatlıq tecribesi bar.
Mayısnıñ 5-nde aqşam «Suhoy Superjet-100» (SSJ-100) uçağı Moskvadan Murmanskqa yol aldı. İçinde 78 insan bar edi. Aman-aman birden qaza sebebinden qonmaq içün izin istedi, bundan soñ bağ üzüldi. Sert qonğan uçaq uçuv-qonuv yolağına urulıp, şassisi zarar kördi ve yanmağa başladı. Neticede 41 insan elâk oldı.
Qaza sebebi daa belli degil. Rusiyede uçaqqa yaşın çarptı, bunıñ neticesinde ise «avtomatikası bozuldı», dep tahmin eteler.
