Rusiyeniñ Don şeer mahkemesi Qırım siyasiy mabüsi Server Zekiriyevniñ apishaneniñ memuriyetine qarşı şikâyet arizasını baqmağa başladı. Şimdiki vaqıtta o, Tula vilâyetiniñ 1-nci tüzetüv müessisesinde buluna. Bu aqta "Qırım birdemligine" onıñ qadını Zarema bildirdi.
Onıñ aytqanına köre, şikâyet SİZO-da (kamera tipli yekâne oda) olğan şaraitlerden sebep berilgen. Kanalizatsiya sistemasından çıqqan gazlar içün mabüsniñ yüregi bulana ve o, nefes alamay.
Bundan ğayrı, memuriy davağa köre, onıñ adı esassız qaça bilecekler cedveline kirsetilgen.
"Siyasiy mabüsniñ sağlığı fenalaşa. O, aştan qusa, boğazı apıra ve başı daima aylanıp tura. Zekiriyevniñ şikâyetlerine cezahaneniñ memuriyeti cevap bermey. Qırımtatar tilini avuştıruv da bir qaç kere red etilgen edi. Hadimler onı tek bir kere "yaşayış tarzı içün" yollağanlarını añlattılar, ve muntazam olaraq oña "terrorist" deyler", — dep aytıla haberde.
2017 senesi oktâbr ayında Rusiye uquq qoruyıcıları altı Bağçasaray sakinini tututı. Timur İbragimov, Marlen Asanov, Memet Belâlov, Seyran Saliyev, Server Zekiryayev ve Ernes Ametov. Rusiye FSBsi olarnı Rusiyede ve işğali altındaki Qırımda yasaqlanğan «Hizb ut-Tahrir» teşkilâtında iştirak etkenlerinde qabaatladı.
Rusiyeniñ Rostov-na-Donu şeerindeki Cenübiy okrugınıñ arbiy mahmekesi 2020 senesi sentâbr ayında Bağçasaraydaki ekinci «Hizb ut-Tahrir davası» boyunca üküm çıqardı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
