Link açıqlığı

Saatnıñ esas haberi

Rusiyedeki «E» merkeziniñ hadimleri Aqmescit civarında qırımtatarınıñ evini tintti – faaller


Rusiyeniñ ekstremizm ile küreş merkeziniñ («E» Merkezi) hadimleri Aqmescit rayonınıñ Şumhay (Zareçnoye) köyünde Abduselâm Selâmetovnıñ evini tintip, bütün tehnikasını alıp ketti, dep bildire «Qırım birdemligi» advokat Rustem Kâmilevniñ malümatına esaslanıp.

Faallerniñ bildirgenine köre, Abduselâm Selâmetov evde degil edi, bir qaç yıldan berli Qırım tışında buluna, evde tek ağası Adil bar edi.

O, uquq qoruyıcı organlarınıñ hadimleri saat 05:30 keldi, yanlarında eki şaat ve bir mütehassıs bar edi, dep bildirdi. Adil Selâmetovnıñ aytqanına köre, hadimler maska taqmadı, onıñ aqlarını añlatmadı, tintüv qararını oqumadı.

«Hadimlerden biri Adilge tintüv terrorizmnen bağlı başqa cinaiy dava boyunca tahqiqat çerçivesinde yapıldı, dep ayttı. Olarğa Selâmetovnıñ IP-adresi ve yazışuvları kerek edi. Angi dava ve Selâmetovlar qorantasınıñ IP-adresiniñ ne alâqası bar, biz mıtlaqa bilecekmiz», – dep izaatladı advokat.

Haber etilgenine köre, operativciler diniy edebitâ, derslikler, cep telefonı, sistem bloku ve videomagnitofonnı alıp ketti.

Faallerniñ malümatına köre, uquq qoruyıcılar protokol tizdi, bir aftadan soñ cep telefonını berecek tahqiqatçınıñ nomerini qaldırdı.

Bu malümat başqa menbalarda tasdıqlanmay. Rusiye uquq qoruyıcıları bu tintüvni açıq şekilde izaatlamay.

Qırımlı jurnalist ve faallerniñ evlerinde keçirilgen tintüvler

2014 senesi baarde Qırımnıñ Rusiye işğalinden soñ yarımadada Rusiye quvetçileri mustaqil jurnalist, vatandaş faalleri, qırımtatar milliy areketiniñ faalleri, Qırımtatar Milliy Meclisiniñ azaları ve Rusiyede yasaqlanğan «Hizb ut-Tahrir» ve «Tebliğ Cemaatı» teşkilâtlarınen alâqaları bar olğanından şübheli sayılğan insanlarnı apiske alıp başladı.

XS
SM
MD
LG