Rusiyeniñ Krasnodar ülkesindeki Tuapse cermay bazasında yanğın oldı. Bu aqta şeer memuriyeti bildirdi.
Yanğın İndustrialnaya soqağında gece saat ekilerde başladı, açıq malümatqa köre, anda «Rosneft» şirketiniñ cermay işletken zavodı yerleşe. Yanğın fotoresimleri yerli Telegram kanallarında peyda oldı.
Yerli sakinler cermay bazasında bir qaç saniye farqınen eki patlav nasıl olğanını tarif etti. Yaqın evlerniñ camları qırılğan.
Baza ve Shot Telegram kanalları cermay bazasına 100 metr uzaqlıqta uçucısızlar ücüm etti, dep bildire. ASTRA neşiriniñ malümatına köre, böyler odası zarar kördi ve binağa yaqın bir buçuq metrlik eki çuqur qayd etildi.
ASTRAnıñ malümatına köre, adise yerinden 30 metr mesafede Rusiye arbiyleri bulunğan qışla bar. Resmiy malümat yoq.
Şeer memuriyeti yanğın cermay bazasınıñ hocalıq inşaatında çıqtı ve söndürildi, dep bildirdi. Yerli akimiyet alev cermay rezervuarlarına zarar ketirmedi, cermay tökülmedi, yaralanğanlar yoq, dep ayta. Yanğınnı 32 yanğıncı ve 11 tehnika söndürdi, dep bildirdi Tuapse memuriyeti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
