Rusiyede Pskov şeeri yanında yol qazasında sekiz Ukraina vatandaşı elâk oldı, dep bildire Ukraina Fevqulâde vaziyetler boyunca Devlet hızmeti. Daa bir ukrain yaralandı, haber ete Azatlıq Radiosı.
Rusiye matbuatı, yol qazasında Belarus nomerli "Volvo" ve Ukraina qaydiyet ile şahsiy "Mercedes" mikroavtobusı çatışqanını yaza. İlk alınğan malümatqa köre, elâk olğan adamlar Sankt-Peterburgdan Kyivge qayta edi.
TASS agentligine köre, eki adam - Ukraina ve Belarus vatandaşları yaralandı. Olarnı hastahanege qoydılar.
Ukraina tış nazirligi şimdigece bu malümatnı tefsir etmedi.
