Moskvanıñ Vnukovo ava limanında uçaqlarnıñ kiriş ve çıqışları sıñırlandı. Sıñırlavlar saat 9:40-tan berli devam ete, seferlerniñ bir qısmı diger ava limanlarına avuştırıldı, dep haber ete «RİA Novosti» Rusiye devlet agentligi.
Shot Telegram kanalı yazğanına köre, Vnukovoda «Kover» planı ilân etilmesiniñ sebebi olğan belgisiz obyekt Mojaysk rayonında alçaq yükseklikte ve yavaş uçtı. Onı radarlar qayd etti, bir işareti yoq edi. Diger Telegram kanalları uçucısız aqqında aytıla, dep bildirdi.
Telegram kanalları Moskva-reka rayonında uçaq çeşitli uçucısız tüşürildi, dep bildirdi. Tüşken yerine yaqın Karamışev gidrotehnik kompleksi ve L.A.Vorohobov 67-nci şeer hastahanesi buluna.
Mash Marşal Jukov caddesinde Jivopisnıy Most rayonında patlav aqqında yaza – dron 150 metr yükseklikte özen boyunca uçqan eken. Soñra patlav sesi oldı. Ava mudafaa sisteması çalıştı, dep tahmin etile.
Bir afta içinde Vnukovo ava limanı ekinci kere qapatıla. Avgustnıñ 6-nda Moskva şeer yolbaşçısı Sergey Sobânin uçucısız Moskvağa kirmege tırıştı, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
