Rusiyede, Ukrayinada uruşlar vaqtında esirge alınğan 20-den çoq ukrayinalı askerniñ mahkemesi başlandı, dep bildire Associated Press.
Askerlerniñ Mariupolde Rusiye ordusı ile cenkleşken Ukrayina Milliy Gvardiyasınıñ "Azov" polkunıñ azaları olğanı qayd etile. Olar "terroristik teşkilâtnıñ azası olmaqta" qabaatlana.
Umumen 24 asker qabaatlandı, amma ekisi rusiyeli cenk esirine deñiştirildi. Mahkemelengenler arasında "Azov" içün aş pişirgen 8 qaydın bar. Nevbetteki mahkeme oturışı iyünniñ 28-ne tayinlengen.
2022 senesi avgust ayında Rusiyeniñ Yuqarı mahkemesi RF baş prokuraturasınıñ talabını qanaatlendirip, "Azov" polkunı "terroristik teşkilât" kibi tanıdı ve Rusiyede onıñ faaliyetini yasaq etti.
«Azov» polku ve diger Ukrayina bölükleriniñ askerleri liman şeeri olğan Mariupolni imaye etken ediler. Şeer 2022 senesi mart başından başlap qamaçavda edi, askerler «Azovstal» maden kombinatında blok etilgen edi. «Azov» birleşmesi 2014 senesi göñülli batalyonı olaraq quruldı. Temelinde sağcı faaller bar edi. Lâkin «Azovnıñ» bir çoq askeri neonatsist olmağanını, polknıñ özü ise Ukrayina Silâlı quvetleriniñ esas qısmı oldı, dep qayd ete edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
