Rusiye Nazirler kabineti Ukrayina vatandaşları içün Rusiye Federatsiyasına mahsus kiriş nizamını tayin etti. Bunı "Kommersant" haber ete.
Oktâbrniñ 16-ndan başlap ukrayinlerge Rusiyege tek Şeremetyevo ava limanı ve Pskov vilâyetindeki "Ludonka" avtomobil kiriş-çıqış noqtasından kirmek mümkün olacaq. Akimiyetniñ bildirgeni kibi, bunıñ sebebi "şimdiki geosiyasiy şaraitte rusiyelilerniñ telükesizligini temin etüv".
Evel Kamçatkada Ukrayina vatandaşlığından red etken yerli vatadaşnı vatandaşlıqtan marum etken ediler. Mahkeme onı sert rejim cezahanesinde ceza çekme ile dört yılğa mahküm etti. FSB versiyasına köre, 2020 senesinden 2022 senesine qadar erkek "VKontakte" içtimaiy ağında "rusiyelilerni ve akimiyet organlarınıñ temsilcilerini öldürmege, yaqmağa ve yoq etmege" çağıra edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
