Rusiye Adliye nazirligi oktâbrniñ 20-nde diplomat Georgiy Kunadzeni çetel agent dep ilân etti. O 1991-1993 seneleri Rusiye Tış işler naziriniñ muavni vazifesinde bulundı. 1991 senesinden 1997 senesine qadar Cenibiy Koreyada Rusiye elçisi vazifesini eda etti.
Bundan ğayrı, "çetel agentler" siciline jurnalist İlya Kosıgin ve siyasetşınas Mihail Savva qoşuldılar. Kosıgin "Dovod" neşriniñ baş muarriridir. O, Ukrayinada elâk olğan vladimirli Rusiye gvardiyacıları aqqında malümat yayınlay edi.
Savva Kuban devlet universitetiniñ professorıdır. O, milletlerara çatışmalar ve qavimlerara munasebetler arasındaki meseleler aqqında bir çoq maqale yazdı.
Rusiyede "çetel agentler" aqqında qanun 2012 senesi peyda oldı. Qanun Rusiye Federatsiyasınıñ Adliye nazirligine ticariy olmağan teşkilâtlarnı çetelden maliye alğan ve "siyasiy faaliyet" ile meşğul olğan alda "çetel agentler" kibi tanımağa ruhset berdi. Bu kibi faaliyetni belgilegen kriteriyler qanunda yazılmağan. Bundan sebep Rusiye akimiyeti medeniyet, sağlıq, ekologiya, insan aqaları saasında çalışqan teşkilâtlarnı taqip ete bile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
