Moskvada oktâbrniñ 29-nda, Rusiyede siyasiy repressiyalarnıñ qurbanlarını añuv künü arfesinde, «Memorial» aq qorçalayıcı merkezi teşkil etken «Adlarnı qaytaruv» aktsiyası keçirile, dep bildire Azatlıq Radiosı.
Saat 10:00-dan 12 saat devamında Lubânskaya meydanındaki Solovetskiy taşı yanında insanlar sovet terrorı yıllarında elâk olğanlarnıñ adlarını oquy. Qurşunğa tizilgenlerniñ adları 12 saat devamında toqtamayıp oqulğanına baqmadan, aktsiya yılları içinde cedvelniñ ortasına zornen keldiler, dep aytıla «Memorialnıñ» haberinde.
Aq qorçalayıcılarnıñ malümatına köre, keçken sene aktsiyada beş biñge yaqın insan iştirak etti.
Bugünki künde «Adlarnı qaytaruv» Moskvada Stalin terrorınıñ qurbanlarını añğan yekâne kütleviy tedbir ola.
«Memorialnıñ» malümatına köre, hatıra aktsiyaları Rusiyeniñ 35 şeerinde, işğal etilgen Qırımda, Varşava, Washington, New York, Minsk, Londra ve Pragada keçirilecek.
