Uçucısız Rusiyeniñ Volgograd vilâyetindeki arbiy bölükke ücüm etti, silâ anbarı yandı, dep haber ete Astra Telegram kanalı menbalarına esaslanıp.
Olarnıñ malümatına köre, dron Kotluban qasabasında noyabrniñ 16-nda saat 1:00-de 57229/51 arbiy bölükke ücüm etti. Uçucısıznıñ patlavı neticesinde 59-ıncı anbarda yanğın çıqtı.
Astra malümatına köre, 630 insan gece bölükten tahliye etildi, hususan 379 arbiy, 251 vatandaş hadimi ve üç bala. İlk malümatqa köre, yaralanğanlar yoq.
Baza Telegram kanalı bildirgenine köre, Kotluban sakinleri yanğın çıqmazdan evel uçucısızğa oşağan ses eşitti, soñra patlav oldı.
Yanğınnı saba beşlerde söndürgenler, dep bildire V1.ru. adise yerine Fevqulâde vaziyetler hızmeti çağırıldı, Kotlubange ise dört acele yardım taqımı keldi, amma tibbiy yardım aceti olmadı.
Yanğın olğan arbiy bölük silâ saqlanğan eñ büyük yer.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
