Talilciler Roskosmosnıñ sabıq yolbaşçısı ve Ukrayinanıñ Zaporojjâ vilâyetiniñ işğal etilgen qısmından RF "senatorı" vazifesinr tayin etilgen Dmitriy Rogozinniñ yanvarniñ 19-nda aytqanına diqqat ayırdılar ki, Rusiyeniñ "BARS-Sarmat" taqımı bütün Rusiyeden Ukrayinada cenk areketlerinde iştirak etmek içün mütehassıs ve ihtisaslı olmağan erkek ve qadınlarnı celp ete.
"Bu haber, Rusiye silâlı quvetleriniñ çeşit arbiy bölüklerine Rusiye qadınlarınıñ aluvını aydınlatqan soñki Rusiye reklama tedbirleriniñ neticesinde peyda oldı", — dep qayd ettiler ISW-da.
Bir kün evel Büyük Britaniya Mudafaa nazirligi, 2024 senesi Rusiyege Ukrayinağa istilâ etkeninden berli eñ büyük zarar ketirecegini bildirdi.
Müessiseniñ tahminlerine köre, Rusiye keçken sene 429 biñ arbiy askerini ğayıp etti, 2022 senesi 105 960 arbiy asker ve 2023 senesi 252 940 arbiy asker ğayıp oldı.
Rusiyeniñ Ukrayinağa qarşı cenkte ğayıpları 750 biñden ziyade oldı, dep aytıla müessiseniñ X içtimaiy ağında derc etilgen malümatında.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
