Rusiye Federal Telükesizlik hızmeti "Noman Çelebicihan adına qırımtatar göñülli batalyonını" terroristik teşkilâtlar cedveline kiresetti. Bunı "İnterfak" rusiye agentligi haber ete.
Bu malümatqa köre, artıq Rusiyeniñ terroristik teşkilâtlar cedvelinde 40 teşkilâttır.
Bu seneniñ iyün ayında Rusiyeniñ Yuqarı mahkemesi "Noman Çelebicihan adına qırımtatar göñülli batalyonını" terroristik tanıp, RF-da faaliyetini yasaq etti.
Ukrayina qanun qoruyıcı organlarınıñ terkibinde "qırımtatar batalyonı"nıñ yaratılması aqqında muzakereler 2016 senesinden berli ketmekte.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
