Ekinci Bağçasaray "Hizb ut-Tahrir davası"nıñ iştirakçilerine domuz etinen aşlarnı bere ediler. Bunı Qırım.Aqiqatqa tefsir bergende, advokat Nazim Şeihmambetov ayttı.
"Bugün apellâtsiya şikâyetininiñ baqıluvında biz, bir qaç muracaat arizasını berdik. Olardan birisi müşterilerimizge SİZOda berilgen aşlarnen bağlı. Olarğa mahkeme künü, terkibinde domuz eti olğan aşlarnı berdiler. Böylece, olar bütün kün bir şey aşamadı. Biz muracaat ettik, amma mahkeme qarar çıqarmasını red etti", - aytıp berdi Şeihmambetov.
Rusiye SİZOsınıñ hadimler şimdilik buña açıq tefsir bermedi.
Noyabr 15-inde Rostov-na-Donu şeeri Cenübiy okrugınıñ arbiy mahkemesi, ekinci Bağçasaray "Hizb ut-Tahrir davası"nı baqıp başladı.
2017 senesi oktâbr ayında Rusiye telükesizlik hısmetiniñ hadimleri Bağçasaraynıñ altı sakini Timur İbragimov, Marlen Asanov, Memet Belâlov, Seyran Saliyev, Server Zekiryayev ve Ernes Ametovnı tutup alan edi. FSB olarnı Rusiyede ve onıñ tarafından ilhaq etilgen Qırımda yasaqlanğan «Hizb ut-Tahrir» teşkilâtınıñ azaları olğanında qabaatlay.
«Qırım birdemligi» cemaat teşebbüsiniñ koordinatorı Server Mustafayev ve qırımtatarı, musulman Edem Smailov 2018 senesi mayısnıñ 21-nde Qırımda Rusiye uquq qoruyıcıları tarafından tutulğan edi. Olarnıñ davası Bağçasaraydaki «Hizb ut-Tahrir davasına» ilâve etildi.
