Martnıñ 2-nde, Ukraina sıñırcıları kirüv-çıquv nizamını bozıp, Qırımnı qanunsız sürette ziyaret etken teatr ve kino akrtisası, Rusiyede nam qazanğan artistke Ukrainağa kirüvni yasaq etti. Bunı Ukraina Devlet sıñır hızmetiniñ matbuat hızmeti haber etti.
Berilgen malümatqa köre, aktrisa «Borıspil» ava limanına «Minsk-Kyiv» reysi ile kelgen.
«Rusiye vatandaşınıñ añlatqanına köre, Ukrainanıñ yarımadasına 2020 senesi baarden şahsiy yolculıqnen barğan. Amma aynı zamanda, Rusiye işğal etken Qırımğa diger yolculıqları da qayd etilgen. Ukrainada o kino çekişlerinde iştirak etecek edi», – dep yazıla bildirmede
Rusiye vatandaşı Memuriy uquq bozuvı aqqında Ukraina Qanunnamesiniñ 204-2 maddesine binaen memuriy mesüliyetke çekilgen. Onı Ukrainağa yibermegenler ve 3 yılğa kirüvni yasaq etkenler.
Aktrisanıñ adı ve soyadını belli degil, tefsirleri de yoq.
Ukraina Devlet sıñır hızmetiniñ Herson bölüginiñ sıñırcıları memleketke bir çetel adamnı kirsetmegenler. Haber etilgenine köre, erkek “qanunsız Qırımnı ziyaret” etken.
İdareniñ malümatına köre, 2020 senesi sıñır nezareti vaqtında bölükniñ arbiy hızmetçileri türlü sebeplerden 50 kişini memlketke yibermegen.
Qırımnı qanunsız ziyaret etken Rusiye vatandaşını Ukrainağa yiberegenler. Bu aqta dekabrniñ 26-nda Ukraina Devlet sıñır hızmeti haber etti.
Evel, sıñırcılar Rusiye telekanalınıñ alıp barıcısına Ukrainağa kirişni üç yılğa yasaq etken ediler.
Bundan ğayrı, Ukraina Devlet sıñır hızmeti memleketimizge RT Rusiye telekanalınıñ operatorını yibrmegen edi.
