Rusiye tarafından maküm etilgen qırımtatar Server Mustafayev ceza izolâtorından eki ayğa Tambov şeeriniñ 1-nci koloniyasındaki kamera tipli odağa (PKT) avuştırıldı. Bu aqta "Qırım birdemligi" onıñ apayı Mayye Mustafayevağa atıf etip bildire.
Onıñ aytqanına köre, saban ayınıñ 25-nde qırımtatarnı üç künge ceza izolâtorına yollağanlar. Çeçek ayınıñ 1-nde ise onı eki ayğa kamera tipli odağa avuştırğanlar. Aile içün apis şaraitleriniñ sertleştirilmesiniñ sebepleri belli degil.
"Server çoq şey aytıp olamadı, tek teşkergenlerden biri, komissiya hadimi, dinimizge menfiy yanaşqanını, musulmanlarğa munasebeti yaramay olğanını bildirdi", — dep tarif etti Mustafayeva.
Server Mustafayev "Qırım birdemligi" cemaat birleşmesiniñ koordinatorıdır. 2018 senesi tintüvlerden soñ quvetçiler Server Mustafayev ve Edem Smailovnı yaqalağan ediler.
2020 senesi ilk yaz ayınıñ 16-nda Rostov-na-Donu Cenübiy okrugınıñ arbiy mahkemesinde Qırım uquq qoruyıcısı 14 yılğa azatlıqtan marum etildi. Olarğa qarşı qabaatlavlar Bağçasaraydaki Hizb ut-Tahrir Davasına qoşuldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
