Kısılev Murmansk şeerindeki "Kömür" olaraq belli olğan 17-nci cezahanege avuştırıldı. O, zabitniñ yaşağan yerinden 3800 kilometr mesafede yerleşe.
Uquq qorçalayıcılar, apis müddetiniñ bir qısmını apishanede keçirmek kerek edi ve bu müddet bitti, şunıñ içün Murmanskqa etap etildi, dep qayd ete. Bunıñ ile, halqara gumanitar uquqnıñ talaplarına köre, işğal etilgen topraqlarda mahküm etilgen şahıslar cezasını işğal etilgen topraqta çekmeli.
Rusiye quvetçileri Qırımda Ukrayina Arbiy deñiz quvetleriniñ "Slavutiç" keşfiyat gemisiniñ keçmiş komandanı Oleksiy Kısılevni Rusiyede yasaq etilgen ve terroristik sayılğan Noman Çelebicihan adına göñülli qırımtatar batalyonında iştirak etüv ile qabaatlap, qaçırdılar. Advokatı Aleksey Ladin bildirgeni kibi Kısılev Rusiye quvetçileri tarafından elektrik aqımı ile iskencelerge oğratılğan.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
