Rusiye tarafından mahküm etilgen qırımlı Nasrulla Seydaliyev Rusiyeniñ Krasnodar ülkesindeki Minusinsk apishanesinde ağır şaraitlerde buluna. Adamnıñ sağlıq vaziyeti fenalaştı, dep bildirdi Qırımtatar resurs merkezine tuvğanları.
Olarnıñ aytqanına köre, aqay ağırlığınıñ yarısını ğayıp etti. Buña siyasiy mabüsniñ apishanede berilgen aşnı aşamağanı da tesir ete. Bazıda o, künde tek bir kere aşay.
Bu sebepten Seydaliyevniñ ciddiy sağlıq problemleri peyda oldı. Onıñ qan basımı yüksektir, ağır varikoz hastalığı bar ve ayaqkarı şişe.
"Qattı tsenzura ve malümatnıñ sıñırlı irişiminden sebep, tutuv şaraitleri aqqında tafsilâtlar belli degil. Qorantası, Nasrullanıñ azat etilmesinden soñ, yaşağanları aqqında daa çoq ikâye ete bilecegine ümüt ete", — dep yaza QRM.
Nasrullah Seydaliyevni 2022 senesi martnıñ 4-nde Qırımda Noman Çelebicihan batalyonında iştirak etüv davası boyunca yaqaladılar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
