Bildirilgenine köre, faal FSB hadimleri tarafından 2022 senesi mayıs ayında Herson vilâyetiniñ bir qısmı işğal etilgen soñ tutıp esir etildi ve soñra Qırımğa alıp ketirildi. 2022 senesi iyünniñ 24-nde onı Noman Çelebicihan adına qanunsız silâlı birleşmesiniñ azası olğanında qabaatladılar.
Bu yılnıñ başında bu davanı Aqmescitniñ Kıyiv rayon mahkemesi baqmağa başladı. Gafarov öz qabaatını tanımadı, amma mahkeme delil olaraq qırımtatar göñülli batalyonınıñ ayırıcı işaretleri ile kamuflâj urbasında tasvirlengen fotoresimini qoydı.
"Mahkemeci Oksana Karçevskaya onıñ yaşı ve hronik hastalıqları olağanından sebep 5 yılğa apis cezasını berdi. Lâkin Aqmescitniñ Kiyev rayon prokurorınıñ yardımcısı Gülnara İbragimova bu qararğa itiraz bildirdi. Avgustnıñ 8-nde "Qırım Cumhuriyetiniñ Yuqarı mahkemesi" cezalarnı 8 yılğa qadar arttırdı, birinci 3 yılnı apiste keçirecek olalar", — dep aytıla haberde.
Qırımtatar resurs merkezi 2014 senesinden berli Rusiye quvetçileri Noman Çelebicihan batalyonında iştirak etkeninde qabaatlanıp, eñ azından 46 insannı yaqaladı, olarnıñ arasında 18 qırımlı bar, dep bildirgen edi.
2022 senesi iyün ayında Rusiye Yuqarı mahkemesi Noman Çelebicihan adına qırımtatar göñülli batalyonını "terroristik" dep tanıdı ve onıñ faaliyetini Rusiye Federatsiyasında yasaq etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
