Link açıqlığı

Saatnıñ esas haberi

Rusiyede Magnitogorsktaki faciadan soñ regional matem ilân etildi


Magnitogorsk, 2018 senesi dekabrniñ 31-i
Magnitogorsk, 2018 senesi dekabrniñ 31-i

Rusiyeniñ Çelâbinsk vilâyetinde yanvarniñ 2-nde Magnitogorsktaki çoq qatlı evniñ bir qısmında gaz patlavı ve eşilüv neticesinde elâk olğanlarnıñ hatırasına matem künü ilân etildi.

Vilâyetteki eglence tedbirlerniñ keçirilmesini lâğu etmege tevsiye etile. 74.ru yerli saytınıñ bildirgenine köre, bala yañı yıl bayramları lâğu etilecekmi daa belli degil.

Umummilliy matem ilân etilecegine dair haberler daa yoq edi.

Magnitogorskta dekabrniñ 31-nde saba gaz patlavı neticesinde 10 qatlı mesken evniñ kirişi eşildi. Qurtarıcılar elâk olğan 8 insannıñ cesedini taptı, daa 36 insan ğayıp oldı. Yanvarniñ 1-nde qıdıruv tedbirleri toqtatıldı, çünki zarar körgen yerlerniñ eşilüv telükesi bar.

XS
SM
MD
LG