Rusiyede keçken künü 7889 yañı koronavirus hastası qayd etildi, işğal altındaki Qırımda sayıla, dep bildire hastalıq tarqaluvı ile küreş ştabı. Hastalarnıñ umumiy sayısı 576 952 oldı, dep haber ete Azatlıq Radiosı.
Resmiy statistikağa köre, vefat etkenlerniñ sayısı 8002 oldı, 161 kişi soñki künde can berdi. 10 186 insan tüzeldi, umumen 334 592 kişi yahşı oldı.
Federal statistika regionlarnıñ malümatına sıq-sıq zıt kele, ekspertler regionlarnı vefat sayısını eksiltkeninde ve hasta sayısı aqqında yañlış malümat bergeninde qabaatlağan edi. Akimiyet bunı inkâr ete.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
